ကျန်ရစ်သူ မိသားစုဟာ ၀မ်းနည်းပူဆွေးပြီး ငိုကြွေးကြတာပေ့ါ။ ဒါပေမယ့် ဘာမှမတတ်နိုင်တော့ဘူးလေ။ မျက်ရည်တွေဟာ သေခြင်းတရားဆီ ရောက်သွားပြီဖြစ်တဲ့ ကိုယ်ချစ်တဲ့သူတွေကို ပြန်ဆွဲခေါ်နိုင်စွမ်းမှ မရှိဘဲကိုး။ အဲဒီလိုနဲ့ ရက်သတ္တတစ်ပါတ် လောက် ကြာမြင့်တဲ့အခါမှာ မာတင်တို့သားအမိရဲ့ ကုန်လှောင်ရုံထဲထည့်ထားတဲ့ အစားအစာတွေအားလုံး ကုန်သွားတယ်တဲ့။ စားစရာမရှိတော့ဘူး ဆိုတာကို သိရတော့ အမယ်အိုကြီးဟာ စားစရာဝယ်ဖို့ ပိုက်ဆံလိုတယ်ဆိုတာ သဘောပေါက်လာတယ်တဲ့။ သူ့ခင်ပွန်းဖြစ်သူ အဘိုးအိုက မသေမီမှာ ဇနီးနဲ့ သားကလေးအတွက် ရူဘယ် ငွေနှစ်ရာချန်ထားခဲ့တယ်။ အမယ်အိုက အဲဒီပိုက်ဆံသေတ္တာလေးကို တုံ့ဆိုင်းတုံ့ဆိုင်းနဲ့ ဖွင့်လိုက်တယ်။ ပိုက်ဆံကို မသုံးချင်ရှာဘူးတဲ့။ ဒါပေမယ့် ဘယ်လိုနည်းနဲ့ပဲဖြစ်ဖြစ် သူတို့အစားအသောက် စားဖို့လိုအပ်တယ်လေ။ ဒါကြောင့် သူက ပိုက်ဆံတစ်ရာကို ရေတွက်ပြီး သူ့သားကိုပေးလိုက်တယ်။
"ရော့ကွယ်၊ လူကလေး မာတင်၊ ဒီငွေတစ်ရာကို ယူသွား။ အိမ်နီးချင်းတွေဆီက မြင်းတစ်ကောင်ကို ငှားစီးသွားပြီး မြို့မှာ ဈေးဝယ်ချည်ကွယ်။ ဒါမှ တို့ ဒီတစ်ဆောင်းကုန်အောင် ကြိတ်မှိတ်သည်းခံစားသောက်ပြီး နွေဦးလောက်ရောက်တဲ့အထိ ခံနိုင်ရည်ရှိမှာ။ နွေဦးရောက်ရင်တော့ အလုပ်အကိုင်လေး ဘာလေး ရကောင်းပါရဲ့။"
မာတင်ဟာ သူ့အိမ်နီးချင်းတွေဆီက မြင်းနဲ့လှည်းကို ငှားပြီး မြို့တက်သွားတယ်တဲ့။ ဈေးထဲမှာ သားသတ်တန်းကို ဖြတ်သွားတဲ့အခါ ဆူညံဆူညံဖြစ်နေတဲ့ လူအုပ်စုကြီးတစ်ခုကို မြင်လိုက်သတဲ့။ ဘာများဖြစ်နေသလဲဆိုပြီး သွားကြည့်တဲ့အခါမှာ သားသတ်သမားတွေဟာ အမဲလိုက်ခွေးတစ်ကောင်ကို ဖမ်း၊ တိုင်မှာချည်ထားပြီးတော့ အဲဒီခွေးကလေးကို တုတ်တွေနဲ့ ၀ိုင်းရိုက်နေကြတယ်။ ခွေးကလေးက နာကျင်လွန်းရှာလို့ အမြီးကိုကုပ်ရင်း တကိန်ကိန်အော်ပြီး ပတ်ပြေးနေတာပေါ့။ မာတင်က သားသတ်သမားတွေနားကို သွားလိုက်ပြီး
"ဒီသနားစရာ ခွေးလေးကို မသနားဘဲ ဘာလို့ရိုက်နေရတာလဲ"
လို့ မေးလိုက်တယ်။
သားသတ်သမားတွေက "ဒီခွေးအကြောင်းတော့ မပြောပါနဲ့ကွာ။ ဒင်းဒါနဲ့ပဲထိုက်တယ်။ အသားတုံးကြီးတစ်တုံးလုံးကို ခိုးသွားတာလေ" လို့ဖြေကြတယ်။
"ရပ်လိုက်ပါ အစ်ကိုတို့ရယ်၊ မရိုက်ပါနဲ့တော့။ ကျွန်တော့်ကို ဒီခွေးလေး ရောင်းပါ" လို့ မာတင်က အော်ပြောလိုက်တယ်။
"မင်းကျေနပ်ရင်ဝယ်ပေါ့။ တို့ကတော့ ရူဘယ်ငွေ တစ်ရာရရင် ရောင်းမယ်။" လို့ သားသတ်သမားတစ်ဦးက ပြောတယ်။
မာတင်က ရူဘယ်တစ်ရာကို ထုတ်ပေးပြီး ခွေးလေးကို ကြိုးဖြည်ပေးပြီး သူနဲ့အတူခေါ်သွားတယ်။ ခွေးလေးဟာ အမြီးလေးတနံ့နံ့နဲ့ သူ့သခင်အသစ်ရဲ့ လက်ကို လျှာလေးနဲ့ရိုက်ပေးရင်း လိုက်သွားသတဲ့။ မာတင်က သူ့အသက်ကို ကယ်ခဲ့တယ်ဆိုတာကို နားလည်တာကိုး။
မာတင်အိမ်ပြန်ရောက်တဲ့အခါကျတော့ သူ့အမေက "သားလေး ဘာဝယ်လာသလဲ ဟေ့"လို့ မေးတာပေါ့။ "ကံကောင်းခြင်းရဲ့ အစလေးတစ်ခု ၀ယ်ခဲ့ပါတယ်အမေ"လို့ မာတင်က ပြန်ပြောလိုက်တယ်။
"မဟုတ်တာတွေ ပြောမနေစမ်းနဲ့ ကောင်ကလေး။ ဘာက ကံကောင်းတာလဲ။"
" ခွေးကလေးမိုးမှောင်ကို ပြောတာပါ အမေရယ်" လို့ ခွေးကလေးကို လက်ညှိုးထိုးပြရင်း မာတင်ကပြန်ပြောလိုက်တယ်။
"ဒါပဲလား"
"ပိုက်ဆံမလောက်လို့ စားစရာမ၀ယ်ခဲ့နိုင်တာပါ အမေရယ်၊ ပိုက်ဆံတစ်ရာက ခွေးလေးကိုဝယ်လိုက်တာနဲ့ ကုန်သွားလို့ပါ"
အဲလိုကြားလိုက်တော့ အဘွားအိုက သူ့သားကိုဆူတာပေါ့။
"တို့မှာ စားစရာဘာမှမရှိတော့ဘူးဟဲ့။ ငါ့မှာ ဂျုံမှုန့်လေးတွေ ခြစ်ခြုပ်ရှာဖွေပြီး ပေါင်မုန့်လေးတစ်ခု ဖုတ်ထားရတယ်။ မနက်ဖြန်ဆိုရင် ဘာမှစားဖို့ရှိမှာ မဟုတ်တော့ဘူး။"
နောက်နေ့ကျတော့ သူ့အမေက နောက်ထပ် ရူဘယ်တစ်ရာကို ထုတ်ပြီး သူ့သားကိုပေးတယ်။
"မြို့ကိုသွားပြီး စားသောက်စရာလေး သွားဝယ်နော် သားလေး။ ဒီတစ်ခါတော့ ပိုက်ဆံကို အလကား မသုံးပစ်နဲ့နော်"
မြို့ရောက်သွားတော့ ဟိုလမ်းဝင်ဒီလမ်းထွက်နဲ့ လုပ်နေတုန်း မာတင်ဟာ ကောင်လေးတစ်ကောင်ကို တွေ့တယ်။ ကောင်လေးက ကြောင်လေးတစ်ကောင်ကို ကြိုးနဲ့ချည်ပြီး မြစ်ကမ်းဘက်ကို ခေါ်သွားတာကို တွေ့တယ်တဲ့။
"ရပ်ပါဦး"လို့ မာတင်က အဲဒီ ကောင်လေးကို ပြောလိုက်တယ်။ "ကြောင်ကို ဘယ်ခေါ်သွားမလို့လဲဗျ။"
"ရေနှစ်သတ်ပစ်မလို့ကွ။ ဒီကောင်က ငါတို့စားပွဲပေါ်က မုန့်တစ်ချပ်လုံးကို ခိုးသွားတာ။"
" ရေမနှစ်ပါနဲ့ ဗျာ။ ကျွန်တော့်ကို ရောင်းပါ။"
"ကျေနပ်ရင် ၀ယ်လေ။ ရူဘယ်တစ်ရာကျမယ်။"
မာတင်က နှစ်ကြိမ်တောင် မစဉ်းစားဘူး။ ပိုက်ဆံကိုဆွဲထုတ်ပြီး အဲ့ကောင်လေးကို ပေးလိုက်တယ်။ ပြီးတော့ ကြောင်ကို အိတ်ထဲကောက်ထည့်ပြီး အိမ်ပြန်လာတာပေါ့။
"ဘာဝယ်ခဲ့သလဲ လူကလေး" လို့ သူ့အမေကမေးသတဲ့။
"ကြောင်နက်ကျား ကလေးပါ အမေ"
"ဒါပဲလား"
"ပိုက်ဆံရှိသေးရင်တော့ စားစရာတွေ ၀ယ်လာမိမှာပေါ့ အမေ။ ပိုက်ဆံကုန်သွားလို့ပါ။"
"ဟယ်... နင်တော်တော်ဆိုးနေပါလား။" လို့ အမယ်အိုက အော်လိုက်တယ်။ "ခုချက်ချင်း အိမ်ကထွက်ပြီး တစ်ယောက်ယောက်ဆီမှာ စားစရာသွားတောင်းချေ" လို့ ပြောလိုက်တယ်။
မာတင်ဟာ အိမ်ကထွက်သွားပြီး တခြားရွာတစ်ရွာမှာ အလုပ်လုပ်ဖို့ လိုက်ရှာသတဲ့။ သူ့ရဲ့ ခွေးကလေး မိုးမှောင်နဲ့ ကြောင်ကလေး နက်ကျားတို့ကိုပါ ခေါ်သွားတာပေါ့။ လမ်းမှာ သူက လူကြီးတစ်ယောက်ကို တွေ့တယ်။
အဲဒီလူကြီးက"ဘယ်သွားမလို့လဲ သား" လို့ မေးသတဲ့။
"အလုပ်သွားရှာမလို့ပါ ခင်ဗျ"
"ဒါဖြင့် ဦးဆီမှာ အလုပ်လာလုပ်ပါလား။ ဦးက လခကို တရားသေမသတ်မှတ်ထားဘူး။ ဦးဆီမှာ သုံးနှစ်အလုပ်ကောင်းကောင်း လုပ်ပေးတဲ့သူမှန်သမျှကို ပစ္စည်းနှစ်မျိုးထဲက တစ်မျိုးကိုရွေးခိုင်းပြီးမှ သူရွေးတဲ့အတိုင်း ပေးလေ့ရှိတယ်"
အပိုင်း(၂) ဆက်ရန်-
ဘာသာပြန်-အလှတရား
No comments:
Post a Comment