အဲဒီလိုပြောပြီး ငါးမျှားသွားလိုက်တာ ငါးတွေတော်တော်များများ မိပါလေရော။ အဲဒါနဲ့ အဲဒီငါးတွေကို နွားလှည်းပေါ်တင်ပြီး အိမ် ပြန်လာတာပေါ့။ အိမ်ကိုပြန်လာရင်း လမ်းမပေါ် တစ်နေရာရောက်တော့ လမ်းပေါ်မှာ မြေခွေးလေးတစ်ကောင် ခွေပြီး အိပ်နေတာကို တွေ့ရသတဲ့။ အဲဒါနဲ့ မောင်းလာတဲ့ မြင်းလှည်းကို ရပ်ပြီး အဘိုးအိုဟာ မြေခွေးမလေးဆီ လမ်းလျှောက် သွားသတဲ့။ အဲဒီလိုအဘိုးအို လာနေတာတောင် မြေခွေးမလေးက တုတ်တုတ်မှ မလှုပ်ဘဲ ဆက်ပြီးအိပ်နေပါတယ်တဲ့။
"ကဲ ငါ့မိန်းမအတွက် သားမွေးလက်ဆောင်ရပြီပေါ့ကွာ" လို့ အဘိုးအိုက ပြောပြီး မြေခွေးမလေးကို လှည်းပေါ် တင်လိုက်တယ်။ ပြီးတော့ အိမ်ကို ဆက်မောင်း သွားတာပေါ့ကွယ်။
မြေခွေးမလေးက အသာလေး ငြိမ်နေပြီး အဘိုးအိုမသိအောင် လှည်းပေါ်က ငါးတွေကို တစ်ကောင်ပြီးတစ်ကောင် အောက်ကို ပစ်ချသတဲ့။ တစ်ကောင်ပြီး တစ်ကောင်၊ တစ်ကောင်ပြီးတစ်ကောင်။ နောက်ဆုံး တစ်ကောင်မှ မကျန်အောင် ပစ်ချပြီးတော့မှ လှည်းပေါ်က ခုန်ဆင်းသွားသတဲ့။
အဘိုးအိုက အိမ်လည်းပြန်ရောက်ရော အဘွားအိုကို ပြောသတဲ့။ "ရှင်မရေ။ မင်းအတွက် ငါ သားမွေးအင်္ကျီ ယူလာသကွ။"လို့ ၀မ်းသာအားရ ပြောလိုက်တယ်။ မြေခွေး သားရေနဲ့ သားမွေးအကျီ င်္ချုပ်ဝတ်လို့ရတယ်လေ။ အဘိုးအိုက အဲဒါကို ပြောတာပေါ့။ အဘွားအိုက သားမွေးအကျီ င်္ဆိုတာနဲ့ပဲ "ဘယ်မှာလဲ တော်ရေ။ သားမွေးအကျီင်္ဆိုတာ ဘယ်မှာလဲရှင်"လို့ မေးလိုက်သတဲ့။ "လှည်းပေါ်မှာပေါ့ လကွာ။ လှည်းပေါ်မှာ ကြည့်လိုက်။ ငါးတွေရော သားမွေးအကျီ ရော ရှင်မအတွက် ယူလာတယ်။"
အဘွားအိုက လှည်းပေါ်မှာ ရှာတော့ ဘာမှမတွေ့တာနဲ့ အဘိုးအိုကို စိတ်ဆိုးသွားသတဲ့။ သူ့ကို ညာရပါ့မလားဆိုပြီးပေါ့။ အဲဒီကျတော့မှ အဘိုးအိုက သူဖမ်းလာတဲ့ မြေခွေးဟာ တကယ်တမ်း သေပုံမရဘူးလို့ တွေးမိသွားတယ်။ မြေခွေးက သက်သက်မယ့် မလှုပ်မယှက်နေပြီး သေချင်ယောင်ဆောင်နေတာကိုး။ အဘိုးအိုလည်း စိတ်ဆိုးပြီး အော်ဟစ်နေတာပေါ့။ ဒါပေမယ့် ဘာမှလုပ်လို့ မရတော့ဘူးလေ။ အချိန်က နှောင်းသွားပြီ။
အဲဒီအချိန်မှာ မြေခွေးမလေးကတော့ လမ်းပေါ်မှာ သူပစ်ချထားတဲ့ ငါးတွေကို တစ်ကောင်ချင်း လိုက်ကောက်နေတာပေါ့။ နောက်ပြီးတော့မှ ဆောင့်ကြောင့်ထိုင်ပြီး မြိန်ရေယှက်ရေ စားသောက်နေသတဲ့။ မြေခွေးမလေး စားသောက်နေတုန်း ၀ံပုလွေဖြူကြီးတစ်ကောင် ရောက်လာသတဲ့။
ဝံပုလွေကြီးက မြေခွေးမလေးကို "မင်္ဂလာပါ ညီမလေး"လို့ နှုတ်ဆက်လိုက်တယ်။ မြေခွေးမလေးကလည်း ယဉ်ကျေးသမှုနဲ့ မင်္ဂလာပါရှင်လို့ ပြန်နှုတ်ဆက်တာပေါ့။
"အစ်ကို့ကို ငါးလေးတစ်ကောင်လောက် ကျွေးပါလား"လို့ ၀ံပုလွေကြီးက ပြောသတဲ့။
"အို ဘာလို့ကျွေးရမှာလဲ ကိုယ့်ခွန်ကိုယ့်အားနဲ့ ကိုယ့်ဘာသာရှာစားပါလား"လို့ မြေခွေးမလေးက ခွန်းတုံ့ပြန်လိုက်တယ်။
"ငါမှ ငါးမမျှားတတ်တာကွယ်" လို့ ၀ံပုလွေကြီးက ပြန်ပြောတယ်။
"အို ဘာခက်တာလိုက်လို့။ ကျွန်မ ငါးမျှားနည်းပြောပြလိုက်မယ်။ မြစ်ကမ်းပါးကို သွားပြီး ရှင့်အမြီးကို ရေထဲချထားလိုက်။ ငါးတစ်ကောင်တစ်လေ လောက်က ရှင့်အမြီးမှာ လာတွယ်မှာပေါ့။ လာတွယ်ရင် ထိုင်ပြီး သေသေချာချာ ကြည့်နေလိုက်။ မဖမ်းနဲ့ဦး။ အများကြီးရမှ တစ်ခါတည်းဖမ်းထည့်လိုက်လို့"ပြောလိုက်သတဲ့။
ဝံပုလွေကြီးက ရေခဲ မြစ်ကမ်းပါးသွားပြီး သူ့အမြီးကို ငါးမျှားတံလိုလုပ်ပြီး ရေထဲချထားသတဲ့။ အဲဒီအဖြစ်အပျက်ဖြစ်တုန်းက ရာသီက ဆောင်းရာသီကြီးတဲ့။ ၀ံပုလွေကြီးက သူ့အမြီးကို ရေထဲချထားပြီး ထိုင်နေလိုက်တာ။ တစ်ညလုံးကုန်ပြီး မိုးလည်းလင်းရော သူ့အမြီးမှာ ရေတွေကခဲပြီး သူ့အမြီးဟာ ရေခဲတွေကြားထဲ ညပ်နေပါရော။ ဒါကြောင့်သူ့အမြီးကို ကုန်းပေါ်တင်ဖို့ ကြိုးစားတဲ့အခါ အမြီးကို မတင်လို့မရဘူးတဲ့။
အမြီးညပ်နေတာကို ၀ံပုလွေက မသိဘူးတဲ့။ အဲဒါကြောင့် "အလို ငါးတွေ ဘယ်နှစ်ကောင်တောင် မိနေပြီလဲမသိဘူး။" လို့ရေရွတ်ပြီး ငါးတွေတော်တော်များများ မိနေပြီလို့ တွေးမိသတဲ့။ အဲဒီလိုဝံပုလွေကြီး စဉ်းစားနေတုန်း အဘွားအိုကြီး တစ်ယောက်က မြစ်ကမ်းဆီကို ရောက်လာသတဲ့။ အဘွားအိုက ၀ံပုလွေကြီးကို မြင်သွားတယ်ဆိုရင်ပဲ "၀ံပုလွေဟေ့ ၀ံပုလွေ၊ ရိုက်ကြ ရိုက်ကြ"လို့ အော်လိုက်တယ်။
အဲဒီအော်သံကို ကြားလိုက်တာနဲ့ လူတွေက ပြေးလာပြီး ၀ံပုလွေကြီးကို ရိုက်ကြတာပေါ့။ တချို့က ကျောက်တုံးနဲ့ထု။ တစ်ချို့က ဆွဲခြင်းနဲ့ ထုကြရိုက်ကြနဲ့။ အဲဒါနဲ့ ၀ံပုလွေကြီးက သူ့အမြီးကို ရေထဲကနေ အတင်းဆွဲထုတ်ပြီး နောက်ကြောင်းတောင် ပြန်မကြည့်နိုင်ဘဲ ခုန်ဆွ ခုန်ဆွနဲ့ ထွက်ပြေးသွားပါလေရော။ ၀ံပုလွေကြီးက စိတ်အရမ်းဆိုးသွားပြီး "တွေ့ကြသေးတာပေါ့ မြေခွေးမရယ်"လို့ စိတ်ထဲကနေ ကြိမ်းဝါးလိုက်သတဲ့။
မြေခွေးမလေးကတော့ ငါးတွေကို ကုန်အောင်စားလိုက်ပြီးတော့ နောက်ထပ် ဘာတွေ ထပ်ခိုးစားရရင်ကောင်းမလဲလို့ စဉ်းစားနေသတဲ့။ အဲဒီနောက်တော့ ဟိုဟိုဒီဒီ လမ်းလျှောက်သွားနေရင်း တဲပုတ်လေးတစ်လုံးကို တွေ့လိုက်တယ်။ အထဲမှာ မိန်းမကြီးတွေ ကိတ်မုန့်ဖုတ်နေတာကို တွေ့တော့ ၀မ်းသာအားရ ပြေးတက်သွားလိုက်တယ်။ အဲဒီမှာတင် ဂျုံမှုန့်ထည့်တဲ့ အိုးနဲ့တိုက်မိပြီး တကိုယ်လုံးကို ဂျုံမှုန့်တွေ အဖွေးသားဖြစ်သွားတယ်။ ခေါင်းလည်းကွဲသွားပြီး သွေးတွေရဲကနဲ ထွက်လာသတဲ့။ အဲဒါကြောင့် တဲပုတ်ထဲကနေ ပြေးထွက်လာရတယ်။
မြေခွေးမလေး ပြေးလာတာကို ၀ံပုလွေက တွေ့တယ်။ "ဟေ့ မြေခွေးမ။ မင်း သင်ပေးတာက ဒီလိုလားကွဟေ ။ ငါ့ကို လူတွေ ၀ိုင်းရိုက်ကြတာ တကိုယ်လုံးကို နာလို့ကွ။ သိရဲ့လား" လို့ ၀ံပုလွေကြီးက လှမ်းအော်ပြောသတဲ့။
အဲဒါနဲ့ မြေခွေးမလေးက "သြော် သူငယ်ချင်းရယ်။ ဟုတ်ပါတယ်။ ကျွန်မ အခုတော့ နောင်တရပါပြီ။ သွေးတွေထွက်ပြီးခေါင်းလဲ ကွဲပါပြီ။ ရှင့်ကို မကောင်းကြံမိလို့ အခု ကျွန်မဘေးဒဏ်ထိတာပါ။ လမ်းတောင်မလျှောက်နိုင်တော့ပါဘူးရှင်" လို့ ၀မ်းနည်းပမ်းနည်း ပြောရှာသတဲ့။ အဲဒါနဲ့ ၀ံပုလွေကြီးက သနားသွားပြီးတော့ "အေး မကောင်းကြံ ဘေးဒဏ်ထိတာပဲ။ ကဲကဲ မင်းလမ်းမလျှောက်နိုင်ရင်လဲ ငါ့ကျောပေါ်ပဲ တက်နေလိုက်ပါ။ ငါပဲ မင်းကို သယ်သွားပါ့မယ်"လို့ ပြောပြီး မြေခွေးမလေးကို ကုန်းပိုးသွားသတဲ့။
မြေခွေးမလေးက ၀ံပုလွေကြီး ကျောကုန်းပေါ် တက်ထိုင်နေရင်း နာကျင်လွန်းလို့ ညည်းညူနေရသတဲ့။ ညည်းရင်း ညူရင်းနဲ့ "ကံတရားက ဒဏ်ခတ်တာ။ ကံတရားက ဒဏ်ခတ်တာ။" လို့ တိုးတိုးလေး ရေရွတ်နေသတဲ့။
အဲဒီအသံကို ကြားတာနဲ့ ၀ံပုလွေကြီးက "ဟေ့ ညီမ။ မင်းဘာတွေပြောနေတာလဲ" လို့ မေးလိုက်တယ်။
"ကံတရားက ဒဏ်ခတ်တာလို့ ပြောနေတာပါ ကိုဝံပုလွေရယ်"
"အိမ်း.. ဟုတ်ပေတယ်။ ညီမ။ ဟုတ်ပေတယ်၊ သူတစ်ပါးကို မကောင်းကြံမိလို့ ကံတရားက ဒဏ်ခတ်တာ ဟုတ်ပေတယ်" လို့ ၀ံပုလွေကြီးက ထောက်ခံလိုက်သတဲ့ကွယ်။
ဘာသာပြန်မူပိုင်-အလှတရား
No comments:
Post a Comment