မှော်လက်စွပ် -အပိုင်း (၁)
မှော်လက်စွပ် - အပိုင်း(၂)
မှော်လက်စွပ် -အပိုင်း(၃)
မှော်လက်စွပ်အပိုင်း(၄)
"နက်ကျားရာ ညံ့လိုက်တာ။ မြို့သွားပြီး စားစရာရှာကြမယ်။ မုန့်လုံးကြီးကြော် ရောင်းတဲ့လူလာရင် ငါက သူ့ဗန်းကို ပစ်ချပြီး ငါ့နောက်ပြေးလိုက်လာအောင် ကြိုးစားမယ်။ သူက ငါ့နောက်ကို ပြေးလိုက်တဲ့အချိန် မင်းက သူ့ဗန်းထဲက မုန့်တွေ သယ်ပြီး သခင့်ဆီ ပြေးပို့ပေး။"
အဲဒါနဲ့ သူတို့ လမ်းအတိုင်းသွားကြတော့ လူတစ်ယောက်ဟာ မုန့်ဗန်းကို ခေါင်းပေါ်တင်ပြီး လမ်းလျှောက်လာတာ တွေ့ရတယ်။ ခွေးက အဲဒီလူရဲ့ ခြေထောက်ကို ပြေးတိုက်ပြီး ဗန်းပြုတ်ကျအောင် လုပ်လိုက်တယ်။ သနားစရာကောင်းတဲ့ မုန့်ဗန်းသယ်တဲ့လူဟာ သူ့နောက်ကို ခွေးရူးလိုက်ပါတယ်ဆိုပြီး ထွက်ပြေးသွားပါလေရော။
ကြောင်နက်ကျားဟာ မုန့်တစ်လုံးကို ချီပြီး မာတင်ဆီသွားတယ်။ အဲဒီမုန့်လေးကို ကျွေးတယ်။ နောက်တစ်လုံးသွားပြေးယူတယ်။ ထပ်လာကျွေးတယ်။ နောက်တစ်လုံး သွားယူပြန်တယ်။ ကျွေးပြန်တယ်။ နောက်ပြီး လမ်းမှာ ဂေါ်ဖီထုပ်စွပ်ပြုတ်ယူလာတဲ့ လူတစ်ယောက်ကိုလည်း ခြောက်လှန့်ပြီး စွပ်ပြုတ်ပန်းကန်ကို သူတို့သခင်အတွက် ယူလာပေးပြန်တယ်။ မိုးမှောင်နဲ့ နက်ကျားဟာ တစ်ဆယ်သုံးလုံးမင်းနေပြည်တော်ကို သွားပြီး ကြွက်ပြည်ထောင်စုထဲက မှော်လက်စွပ်ကို ပြန်ယူလာဖို့ ဆုံးဖြတ်ချက်ချတယ်။ သွားရမယ့် ခရီးက ဝေးကွာတယ်။ ဒါကြောင့် သူတို့ဟာ ကုန်လှောင်ရုံတစ်ခုကနေ မုန့်တွေ၊ ကိတ်မုန့်တွေ၊ စားသောက်စရာတွေကို တစ်နှစ်စာထိ ဖူလုံအောင် ယူလာပြီး မာတင်ကို ပေးအပ်ကြတယ်။
"ဒါတွေ စားထားပြီး ကျွန်တော်တို့ ပြန်လာတာကို စောင့်နေပါ သခင်မာတင်။ ဒီစားစရာတွေက ကျွန်တော်တို့ ပြန်လာတဲ့အထိ ခံပါလိမ့်မယ်။"
ကြောင်နဲ့ခွေးက သခင်ကို နှုတ်ဆက်ပြီး ခရီးရှည်ကို ထွက်သွားကြတယ်။ သွားရင်းသွားရင်း သူတို့ဟာ ပင်လယ်ပြာပြာကြီးဆီ ရောက်သွားကြတယ်။ ခွေးက ပြောတယ်။
"ငါကတော့ ဟိုဘက်ကမ်းကို ကူးသွားနိုင်တယ်။ မင်းရော။"
"ငါကတော့ ရေမကူးတတ်ဘူး။ အချိန်မရွေးရေနစ်သွားနိုင်တယ်။"
"ဒါဆို ငါ့ကျောကုန်းပေါ်တက်" လို့ပြောပြီး ခွေးက ကြောင်ကို ကုန်းပိုးပြီး သယ်သွားတယ်။
ဟိုဘက်ကမ်းကို ရောက်တယ်ဆိုတာနဲ့ တစ်ဆယ်သုံးလုံး မင်းနေပြည်တော်နဲ့ ကြွက်ပြည်ထောင်စုကို တွေ့လိုက်ရတယ်။ ဒီပြည်မှာ လူတစ်ယောက်မှ မရှိဘူး။ ကြွက်တွေကတော့ မရေမတွက်နိုင်အောင် ရှိတယ်တဲ့။ ဘယ်နေရာကြည့်လိုက် ကြည့်လိုက် ကြွက်တွေက ထောင်နဲ့ချီပြီး ရှိနေသတဲ့။
ဒီတစ်ခါတော့ "မင်းအလှည့်ပဲ နက်ကျားရေ။" လို့ ခွေးကပြောတယ်။ "ဒီကြွက်ကောင်တွေရဲ့ ဇက်ကို လိုက်ချိုးပေတော့။ ငါက ကိုယ်လုံးတွေ လိုက်ကောက်ပေးမယ်"
ကြောင်နက်ကျားက သူ့ရဲ့ အမဲလိုက်ပညာတွေ အားလုံးကို အသုံးပြုလိုက်တယ်။ တခါတည်း တိုက်ခိုက်လိုက်တာနဲ့ အားလုံးပြုတ်ပြုတ်ပြုံး ပါလေရော။ ခွေးက ကြွက်ကိုယ်လုံးတွေ ကို ကြောင်ခုတ်တာနဲ့ အမီ မနည်း လိုက်ကောက်ရတယ်။ တစ်ပတ်လောက်ကြာတော့ ကြွက်အလောင်း အပုံကြီးက ဟီးထနေတာပေါ့။ ကြွက်တွေအားလုံးဟာ ကြောက်ရွံ့တုန်လှုပ်ပြီး ငိုကြွေးနေကြတယ်။ နောက်ဆုံး ကြွက်ဘုရင်မင်းတရားကြီးက သူ့ကျင်းလေးထဲက ထွက်ပြီး ကြောင်နဲ့ခွေးကို တောင်းပန်သတဲ့။
"ဦးညွတ်အရိုအသေပြုအပ်ပါသည် စစ်သည်တော်ကြီးများ။ ကျွန်ုပ်တို့ တိုင်းပြည်က ကြွက်အပေါင်းကို ငဲ့ညှာသနားပါဦး။ အသက်ချမ်းသာပေးပါ။ အသင်တို့ အလိုရှိရာကိုသာ ပြောကြားပါ။ ကျွန်ုပ်ဆောင်ရွက်ပေးပါ့မယ်။"
ခွေးက ပြောတယ်။
"သင့်ပြည်ထောင်စုထဲမှာ နန်းတော်တစ်လုံးရှိတယ်။ အဲဒီမှာ မင်းသမီးတစ်ပါးနေထိုင်နေတယ်။ အဲဒီမင်းသမီးဟာ ကျွန်ုပ်တို့ သခင်ရဲ့ မှော်လက်စွပ်ကို ခိုးသွားတယ်။ အဲဒီလက်စွပ်ကို ပြန်ယူလာပေးပါ။ မယူလာပေးရင် သင့်ရဲ့ နိုင်ငံတစ်ခုလုံး ပျက်စီးသွားစေရမယ်။"
ကြွက်မင်းကြီးက
"နေပါဦး။ မှူးမတ်တွေကို တိုင်ပင်ပြီး ပြန်လည် အကြောင်းကြားပါ့မယ်။"
အဲဒီနောက် ကြွက်တွေကြီးကြီးငယ်ငယ် ပျိုပျိုရွယ်ရွယ် အားလုံးကို စုစည်းပြီး နန်းတော်ထဲကို ၀င်ပြီး မင်းသမီးရဲ့ လက်စွပ်ကို ပြန်ခိုးလာပေးဖို့ အမိန့်ပေးလိုက်တယ်။ ကြွက်ကလေး သေးသေးလေး တစ်ကောင်က ပြောတယ်။
"ကျွန်တော်မျိုးဟာ အဲဒီနန်းတော်ကို ခဏခဏရောက်ဖူးတယ်။ မင်းသမီးလေးဟာ နေ့ခင်းဘက်ကမှာ လက်စွပ်ကို စွပ်ထားပြီး ညဘက်ဆိုရင် ပါးစပ်ထဲငုံပြီးမှ အိပ်ပါတယ်။"
"ကောင်းပြီ။ ရအောင် သွားယူလာခဲ့ပါ လို့ ကြွက်မင်းကြီးက ပြောတယ်။ အောင်မြင်ရင် မောင်မင်းကို ဆုတော်လာဒ်တောင် ကောင်းကောင်းချမယ်။"
ကြွက်ကလေးဟာ ညရောက်တဲ့အထိ စောင့်ပြီး မင်းသမီးလေးရဲ့ အိပ်ရာထက်ကနေစောင့်နေတယ်။ မင်းသမီးလေးက နှစ်နှစ်ခြိုက်ခြိုက် အိပ်ပျော်နေတယ်။ ကြွက်ကလေးက မင်းသမီးလေးရဲ့ နှာခေါင်းပေါက်ထဲကို သူ့အမြီးကလေးနဲ့ ကလိလိုက်တဲ့အခါ နှာချေရင်းနဲ့ လက်စွပ်ဟာ ပါးစပ်ထဲက ထွက်ကျပြီး ကော်ဇောပေါ် ကျသွားတယ်။ ကြွက်ကလေးက အိပ်ရာပေါ်ကဆင်ပြီး လက်စွပ်ကို ကိုက်ချီပြီး ဘုရင်ကြီးဆီ ဆက်သလိုက်တယ်။ ကြွက်ဘုရင်ကြီးက မိုးမှောင်နဲ့ နက်ကျားဆိုတဲ့ စစ်သည်တော်ကြီး နှစ်ဦးကို လက်စွပ်ကလေး ထပ်ပြီး ကမ်းပေးတယ်။ မိုးမှောင်နဲ့ နက်ကျားက လက်စွပ်ကို ဘယ်သူထိန်းသိမ်းမလဲ ဆွေးနွေးကြတယ်။
"ငါ့ကိုပေး။ ငါထိန်းသိမ်းမယ်။ မပျောက်ရှစေရဘူး။"
"ကောင်းပြီး။ မင်းအသက်နဲ့လဲပြီး ထိန်းသိမ်းပါ" လို့ ခွေးက ပြောပြီး အပြန်ခရီးကို စတင်ကြတယ်။
ပင်လယ်ကိုရောက်တော့ နက်ကျားလက်စွပ်ကို ပါးစပ်ထဲငုံပြီး ခွေးရဲ့ကျောကုန်းပေါ်က အမွှေးတွေကို လက်နဲ့မြဲမြဲဆုပ်ကိုင်ရင်း လိုက်သွားတယ်။ တစ်နာရီ နှစ်နာရီလောက် ကူးမိတဲ့အခါ ကျီးကန်းနက်ကြီး တစ်ကောင်ပေါ်လာပြီး နက်ကျားရဲ့ ခေါင်းကို ထိုးဆိတ်တိုက်ခိုက်တာ ကြုံရသတဲ့။ ကြောင်ကလေးခမျာ သူ့ကိုယ်သူ ဘယ်လိုခုခံရမလဲ စဉ်းစားမရဘူး ဖြစ်နေတယ်။ သူ့လက်တွေက ခွေးမိုးမှောင်ရဲ့ အမွေးတွေကို မလွှတ်တမ်းဆုပ်ကိုင်ထားရတာကိုး။ လွှတ်လိုက်တာနဲ့ ရေထဲ ပြုတ်ကျပြီး အသက်ဆုံးနိုင်တယ်။ သူ့သွားတွေနဲ့ ကိုက်ရင်လည်း လက်စွပ်ပြုတ်ကျသွားနိုင်တယ်။ သူ့ခေါင်းတွေဟာ ကျီးကန်းကြီး ဆိတ်လွန်းလို့ သွေးချင်းချင်းနီနေတယ်။ နောက်ဆုံး စိတ်တိုလွန်းလို့ သူ့ပါးစပ်ကို ဖွင့်ပြီး ခြိမ်းခြောက်လိုက်တဲ့အခါ လက်စွပ်ဟာ ပင်လယ်ကြမ်းပြင်ထဲကို ပြုတ်ကျသွားပါလေရော။ ကျီးကန်းကြီးကတော့ တောနက်ကြီးထဲကို ပျံသန်းသွားသတဲ့။ နောက်ဆုံး ကမ်းကို ရောက်တဲ့အခါ မိုးမှောင်က လက်စွပ်ဘယ်မှာလဲလို့မေးတယ်။
"ငါ့ကိုခွင့်လွှတ်ပါကွာ။ ပင်လယ်ထဲကို ပြုတ်ကျသွားပါတယ်။"
" ငတုံးကောင်။ ငါစောစောက မသိတာ မင်းကံကောင်းတယ်။ မဟုတ်ရင် ပင်လယ်ထဲ ပစ်ချထားခဲ့ပြီ။ ခု ငါတို့ရဲ့ သခင်ကို ဘယ်လိုပြန်ပြောရမလဲ ပြောစမ်းပါဦး။"
"နေပါဦးကွာ။ တို့ ပူးပေါင်း စဉ်းစားကြတာပေါ့။ ငါတို့ ဂဏန်းတွေကို ဖမ်းကြရအောင်။ ကြွက်တွေကို တို့ ဖမ်းခဲ့တဲ့နည်းအတိုင်း လုပ်ကြတာပေါ့။ ဂဏန်းတွေကတော့ လက်စွပ်ကို ရှာပေးနိုင်လောက်ပါတယ်။"
ခွေးက သဘောတူတယ်။ ဒါကြောင့် သူတို့ဟာ ဂဏန်းတွေကို ဖမ်းကြတော့ ဂဏန်းပု့ကြီးက တောင်ပုံရာပုံ ဖြစ်လာတယ်။ နောက်ဆုံးတော့ ဂဏန်းအကြီးကြီးတစ်ကောင် ထွက်လာပြီး "စစ်သည်တော်ကြီးများခင်ဗျ။ ဘာကို အလိုရှိပါသလဲ။ ကျွန်တော်တို့ကို မသတ်ပါနဲ့ ။ ခိုင်းတာမှန်သမျှ လုပ်ပေးပါမယ်လို့" ပြောတယ်တဲ့။
"ဒါဖြင့်ရင် ပင်လယ်ကြမ်းပြင်က လက်စွပ်ကို ရအောင် ယူခဲ့ပေး။ မယူနိုင်ရင် တစ်တိုင်းပြည်လုံး ဖျက်ဆီးပစ်မယ်"လို့ နက်ကျားက ပြောလိုက်တယ်။
ဂဏန်းဘုရင်ကြီးက ဂဏန်းတွေ အာလုံးကို စုပြီး လက်စွပ်အကြောင်း မေးမြန်းတယ်။ ဂဏန်းပေါက်စနလေးတစ်ကောင်က "လက်စွပ်ဘယ်မှာရှိလဲ ကျွန်တော်သိပါတယ်"လို့ ပြောတယ်။ "ငါးကြင်းကြီးတစ်ကောင် မြိုချလိုက်တာ ကျွန်တော် ကိုယ်တိုင် မြင်လိုက်တယ်။" လို့ပြောသတဲ့။ ဒါကြောင့် ဂဏန်းတွေ အားလုံးကို ပင်လယ်ထဲ ဆင်းသွားပြီး ငါးကြင်းကို ရှာတယ်။ တွေ့တဲ့အခါ ငါးကြင်းကို အတင်းဆွဲပြီး ကမ်းပေါ် ပစ်တင်လိုက်ကြတယ်။ ဂဏန်းဘုရင်ကြီးက ခွေးနဲ့ ကြောင်ကို ပြောတယ်။
"အဲဒီ ငါးကြင်းပေါ့ စစ်သည်တော်ကြီးများရဲ့။ သူ့ကိုမသနားနဲ့။ သူက လက်စွပ်ကို မြိုချပစ်လိုက်တာပါ။"
လက်စွပ်ဘယ်မှာလဲ သိလိုက်ရတာနဲ့ တပြိုင်နက် ခွေးက ငါးကြင်းကို အမြီးကနေ စပြီး ၀ါးတော့တယ်။ ကြောင်က လက်စွပ်ဘယ် အတိအကျမှာ ရှိလဲ သိတယ်။ ဒါကြောင့် ဗိုက်ကိုဖောက်ပြီး လက်စွပ်ကို ထုတ်ယူလိုက်တယ်။ ပြီးတော့ ခုလိုစဉ်းစားသတဲ့။ "ငါ့သခင်ဆီ ခွေးမရောက်ခင် အရင်ပြေးပြီး လက်စွပ်ကို သွားပေးမှပဲ။ ဒါမှ သခင်က မိုးမှောင်ထက်စာရင် ငါ့ကိုပိုချစ်မှာ။"
အဲဒီအချိန်မယ် ခွေးက သူ့အစာကို စားပြီးလို့ ကြောင် ဘယ်ရောက်သွားလဲ စဉ်းစားနေတယ်။ နောက်ဆုံး ကြောင် ဘာလုပ်သွားတာလဲဆိုတာ ရိပ်မိသွားတယ်။ "တွေ့မယ် နက်ကျား။ မင်းကို အပိုင်းပိုင်းဖြစ်အောင် လုပ်ပစ်မယ်"လို့ ပြောပြီး ကြောင်နောက်ကို ပြေးလိုက်တော့ မကြာခင် မီသွားတယ်။ သူက နက်ကျားကို ဖမ်းပြီး ခြိမ်းခြောက်တယ်။ ဒါပေမယ့် ကြောင်ကလေး နက်ကျားက သစ်ပင်တစ်ပင်ပေါ် တက်ပြေးသွားသတဲ့။
"အေး ကောင်းပြီ။ မင်း သစ်ပင်ပေါ် အမြဲမနေနိုင်ပါဘူးကွာ။ တစ်နေ့တော့ ဆင်းလာရမှာပေါ့။"
ကြောင်ကလေးက သစ်ပင်ပေါ် သုးံရက်ကြာထိုင်နေတယ်။ ခွေးကလည်း ထိုင်စောင့်နေတာ သုံးရက်ကြာသွားရော။ နှစ်ယောက်စလုံးက ဆာလောင် ပင်ပန်းနေပြီ။ နောက်ဆုံး သခင်ဆီကို အတူတူသွားပြီး လက်စွပ်ကိုပေးဖို့ သဘောတူကြတယ်။
ကျောက်တုံး ထောင်ကို ရောက်တဲ့အခါ ကြောင်က ပြတင်းပေါက်နားသွားပြီး "အသက်ရှိသေးရဲလား သခင်"လို့ မေးမြန်းတယ်။
"အလို နက်ကျား။ ငါက မင်းတို့နှစ်ယောက် ပြန်မလာနိုင်တော့ဘူးလို့ ထင်နေတာကွာ။ ငါ အစာမစားရတာ သုံးရက်ရှိပြီ။"
ကြောင်က မှော်လက်စွပ်ကို ထုတ်ပေးလိုက်တယ်။ မာတင်က လက်စွပ်ကို ထုတ်ဝတ်လိုက်တဲ့အတွက် လူငယ် ၁၂ ဦးပေါ်လာတယ်။ "ဘာအလိုရှိပါသလဲ။"
"အရင်နန်းတော် အရင် ဖန်စင်္ကြံနဲ့ ဘုံငါးဆင့်ဘုရားရှိခိုးကျောင်းတွေ ပြန်လုပ်ပေးပါ။ ငါ့ရဲ့ သစ္စာမဲ့တဲ့ ဇနီးကိုလည်း ပြန်လည်ခေါ်ဆောင်လာပေးပါ။ မနက်မလင်းခင် အပြီးလုပ်ပေးပါ"လို့ခိုင်းလိုက်တယ်။
မကြာမီပဲ လုပ်စရာရှိတာတွေ ပြီးသွားတယ်။ ဘုရင်ကြီးက နောက်နေ့မနက် နိုးပြီး မှန်ပြောင်းနဲ့ ကြည့်တဲ့အခါ အရင်လိုပဲ နန်းတော်ကြီးနဲ့ ဖန်စင်္ကြံကြီးကို တွေ့လိုက်ရတယ်။ တစ်ဘက်တစ်ချက်မှာ ရွှေပင် ငွေပင်တွေ ပေါက်လို့ပေါ့။ ဘုရင်ကြီးက သူ့ရဲ့ မြင်းထိန်းကို မြင်းတွေ အသင့်ပြင်ခိုင်းပြီး သူမြင်ရတာ အမှန်လား အိပ်မက်လားလို့ ကွဲကွဲပြားပြားသိရအောင် နန်းတော်အသစ်ဆီကို မောင်းခိုင်းတယ်။
မာတင်က ဘုရင်ကြီးကိုကို တံခါးဝမှာ ထွက်တွေ့ပြီး ခရီးဦးကြိုပြုတယ်။ ပြီးတော့ နန်းတော်ထဲကို ခေါ်သွားတယ်။ ဒါတွေအားလုံးဟာ မင်းသမီးကြောင့် ဖြစ်ရတာပါ အရှင်မင်းမြတ် ဆိုပြီး ဖြစ်ကြောင်းကုန်စင်ကို ရှင်းလင်း တင်ပြတယ်။ ဘုရင်ကြီးက သစ္စာမဲ့တဲ့ ဇနီးဖြစ်တဲ့ မင်းသမီးကို သေဒဏ်ပေးလိုက်တယ်။ မာတင်ကတော့ သူ့ရဲ့မိတ်ဆွေနှစ်ယောက်နဲ့အတူ အသက်ထက်ဆုံး နေထိုင်သွားပါတော့တယ်။
![Reblog this post [with Zemanta]](http://img.zemanta.com/reblog_e.png?x-id=3becc760-b799-4513-bac1-5b044c4ec2f7)
